Koi To Ho.......

Koi to ho jise hum apna kh sake
Koi to ho jiske kandhe pe ro sake
Koi to ho main jiske liye usak pyaar hoon
Koi to ho main jo mere liye saara sansaar ho

Koit to ho jo mere dard ko samjh sake
Koi to ho jo use apna kah sake
Koi to ho jo khe ki mat ro
Aur chup k mere dard pe ro sake

Chupaya hai main apne gum ko khushiyon k peeche
Dard k ghoot pee rha hoon in akhiyon ko meeche
Logo ko dikhta hai yeh ooperi savera
Koi to tatol k dekhe mere andar ka andhera

Sab dekh lete hai ooper ki jagmagahtain
Koi nhi jaanta mere ander ki ghabraahtain
Dil main chupe sannate ki sansanaahtain
Koi to ho jo dur kare meri yeh aahtain

Bahut waqt se seene main ek dard hain palta
Jaise raat k andhere main kuch angaar sa hai jalta
Gum k andhero main koi insaan ho chalta
Koi to rok le jo yeh sab hai pighlta

Ek arse se tars rha hoon thode se pyaar k liye
Maang rha hoon kuch phool main apni bahar k liye
Aansu sukhe hain phir aankhain khuli hain uske intezaar k liye
Koi to ho jo has k kare ikraar mere is pyaar k liye

Waqt ki kaisi maar hain yeh kabhi hoon main sochta
Jaise dhoop main anpi parchai se muh hoon main modta
Wo kahti hai tera gum hai tere jeene k liye
Main kahta hoon koi to ho mere ghaav seene k liye

Main andhero se lad rha hoon ujaalo ki aas ko
Jinda hoon jindgi main jindgi ki pyaas ko
Bas leker chal rha hoon meri itni si ardaas ko
Koi to rok le mere is mer jaane k aisaas ko

Bahut dard hai mere is dil per chaaye hue
Magar aaj bhi hoth hain mere muskaraye hue
Main aaj bhi dard k tuffano main ghira baith hoon
Us kisi ek k naam ki aas ko lagaye hue..